الجوهري الشبيني : مصر بلد الأمن والأمان

صرح دكتور / الجوهري الشبيني الخبير الدولي ان أأمن مكان في الكره الارضيه هي مصربسم الله الرحمن الرحيم﴿ فَلَمَّا دَخَلُوا عَلَىٰ يُوسُفَ آوَىٰ إِلَيْهِ أَبَوَيْهِ وَقَالَ ادْخُلُوا مِصْرَ إِن شَاءَ اللَّهُ آمِنِينَ﴾

مصر فتحت أبوابها كبلد أمن وأمان للإيجار بالدقيقة لرفاهية الشعب والوطن

بص بقى يا سيدي خلينا نحكي الحكاية كده على رواقة وبالبلدي:

إسرائيل راحت تشتكي لماما أمريكا تقولها: “يا ماما مصر بقت بتستغلنا جامد!”
طب ليه بس؟ قالك أصل مصر كانت بتدخل الإسـ.ـرائيلي من طابا بـ 25 دولار… خلوها 120 دولار امريكا قالت مش غالي احنا بناخد اكثر بكثير وبني إسرائيل بخلاء

ومش كده وبس… الفنادق كمان دخلت على الخط… قالتلك أسعار مخصوص للإسـ.ـرائيليين بس… وأقل ليلة بـ 500 دولار للفردين!
يعني مش إقامة… ده استثمار

نيجي بقى للجد شوية… قالك مفيش لبس ديني ظاهر… لا قبعة ولا غيره… وبلدنا قالتلك يا باشا احنا عندنا نظام…
وإسـ.ـرائيل نفسها قالت لرعاياها: “بلاش تدخلوا مصر بالحاجات دي”… يعني حتى هم اقتنعوا خلاص

طب الأهم بقى
إسـ.رائيل قالت: “نحط طياراتنا الغالية في مكان آمن”… قالتلك مفيش غير شرم الشيخ
راحت مصر قالت: “تنوروا… بس إحنا بنحسب بالدقيقة يا حبايب مش باليوم!”
النتيجة؟ اليوم وصل لأرقام كده تخليك تقول يا ساتر…اليوم الواحد قرّب من مليون جنيه!
يعني الطيارة المركونة بقيت أحسن من مرور السفن في قناة السويس

ورسالة لطيفة كده للأشقاء في الخليج
“إحنا بنعاملكم بالساعة يا رجالة… مش بالدقيقة… عشان أنتم حبايبنا .. خليكم فاكرينها بقي ”

الخلاصة بقى…
مصر دلوقتي وجهه امنه ؟
ولتكن أمن وأمان خدمه غاليه تقدر بمال يعود علي المواطن والبلد
يجب علي كل لاجئ اسرائيلي يستثمر في أمنه وأمانه واستقراره بمقابل. مادي مناسب يعود علي اقتصاد الدوله المصرية
اللي عنده حاجة غالية وخايف عليها، بينقلها مصر… زي ما أغلب عائلات الخليج الكبيرة عملت يجب ان تكون تلك الخدمات بأرقام تعود علي المواطن والدوله بماده تسدد ديونها وتؤدي الي رفاهية المواطن المصري
طيارات، عربيات، خيول نادرة، يخوت… تعالى بيها مصر خدمه بمقابل مجزي
عايز تركن سفينة؟ عندك جراج البحيرات في قناة السويس
عايز تعدي مضيق هرمز ومش مطمّن؟ عندنا رجالة تعدّيك لحد باب بيتك

أوروبا مش لاقية غاز؟
ولا يهمك… عندنا أحلى غاز روسي يطلعلك من سيدي كرير…
بس معلش… اللي كان بـ50 بقى بـ100… بمقابل مجزي لرفاهية المواطن وتحسين الخدمات ومرافق الدوله وتزيد من دخل المواطن

شركات عايزة تنقل مصانعها؟
وزارة الاستثمار شغالة 24 ساعة…
أماكن موجودة… وبنية تحتية تقيلة…
وموقع؟ يا سلام… واخدين 3 نواصي:
آسيا في وش، أفريقيا جنبك، وأوروبا قدامك
والبحر عندنا لونين… أبيض وأحمر… كفاية دلع بقى

الأوروبيين كبار السن اللي حولوا معاشاتهم ونزلوا على الغردقة وشرم ومرسى علم…
استنوا علينا بس شوية… أول ما شقة تفضى نرن عليكم

والأخوة العرب اللي واخدين التجمع وزايد والزمالك…
وسعوا شوية يا جماعة…
عندنا بنها، طنطا، المنصورة، شبين، دمنهور، المنيا، بني سويف…
البلد كبيرة وتشيل الكل… بس كله للمواطن المصري والدوله

مصر بتعوض خسايرها من الحرب من كل الاتجاهات… مفيش حد مش هيدفع، حتى أمريكا وأوروبا لصالح الوطن والمواطن
والعفي محدش يقدر عليه… بيفرض نفسه على المنطقة كلها

وفي الآخر نقول:
الحمد لله على نعمة الأمن والأمان

ودعي دكتور الجوهري الشبيني لمصر
حفظ الله مصر وشعبها ورفاهيته وقيادتها وجعلها امه عظمي بين الامم